采兒 - 造型

以前同阿仔著衫都係求求其其, 男仔嘛~
宜家有左個囡, 點都要同佢"襯一襯"先出街,

但原來兩代"襯一襯"定位都好吾同,
吾多講, 有圖有真相~

媽媽 "襯一襯"

奶奶 "襯一襯"

阿囡表示: 原來我形象都可以幾百變 =="

坐月 - 埋月/扭抱/收奶 (文字紀錄)

續上回~

埋身 – 原來比想像順利

上胎經驗返到病房休息兩個鐘(好似)就會推bb黎埋身, 吾知係咪我好心急等左好耐先有得埋身. 3年後又再一次埋身感覺好神奇(好似一切又重新黎過). 妹妹比一一識埋身食, 真係Thank God! 由於第二胎比第一胎快上奶, 住院第二晚已經石頭胸, 出院第四日直頭要老公暴力按摩先捱得過o個幾日黑暗上奶期. 埋身一星期後轉泵奶都叫做順利, keep住4安, 妹妹亦冇黃到要入院同磅數不斷向上, 正當我感恩萬分就黎到第二個問題出現 – 扭抱期!!!

扭抱期 – 點解咁快到?!

一直聽人講上胎難湊下胎就易湊, 但o係我身上就吾work喇. 雖然有試過由佢喊(佢又真係可以喊成個鐘, 一個月人仔已經咁長氣), 但陪月或者夜蘭人靜時都吾忍心佢喊. 抱對於有曬經驗o既我吾係大問題, 但每次抱親妹妹都要啜我個人肉奶咀, 吾俾就大喊大扭(陪月話我奶味重~), 激死我~ 特別係零晨奶後, 老公太攰我又抱吾到妹妹又歇斯底里, o個種無奈又無助感”速”使我收奶.

收奶 – 可惜可惜~

為左有奶每日好努力食食食+飲飲飲+密密泵, 當下已經當左自己係一隻只為製奶o既乳牛. 本以為有得功成身退一定好開心, 但原來係咁吾捨得, 吾能夠俾最好o既野俾個女令我懷疑自己係咪一個吾稱職媽咪. 好在有陪月同老公安慰後好快又重新整頓心情繼續開開心心湊女. 一個月o既餵人奶經驗過去, 我更加佩服要返工+半夜起身泵奶o既人奶媽咪, 你地係勁o既!

6.18囡囡出世了 (純文字紀錄)

隔左差不多2個月先分享, hehe 好過冇啦~

講返轉頭未出世前一直都好想妹妹快d出黎, 因為一來陀到後期個肚好大晚晚都訓得吾好又經常失眠, 二來每晚o係99屋企同一一講byebye真係好難受. 不過你想快, 妹妹就係要delay 2日~

6.18

17號流啡, 18號凌晨2點少許m痛因為上胎經驗都係等痛多d同見紅先入院, 到4點真係有陣痛即刻好興奮叫醒老公 (終於等到喇~好happy!不過老公就好緊張, 因為佢吾可以再miss陪產機會了) 去到醫院一路登記一路5分鐘陣痛但檢查過後原來開左一度都冇. 由於第2胎所以可以留o係產房等生, 換衫駁機後就係等待…妹妹因為胎動得少(又黎吾合作)加上度數開得少醫生叫老公返屋企等call. 點知佢一走子宮就開喇, 人工穿水後即call老公返黎(妹妹你係咪玩野~). 推入熟識o既產房, 終於嘗試到笑氣(第一胎威院停笑氣), 人家話會high high地但我一d感覺都冇(why? why? why?). 人地成日話第2胎會快好多, 原來係真嫁!!! 由0度到生得都只係3個半鐘, all幾下就生左, 好在老公趕得切入黎陪產啫 (想當年生一一老公因為電話冇電錯過左陪產, 今次佢終於全程陪產, 感覺好好多!)

妹妹比想像中大隻有成7磅, 因為我陀住佢一路工作好忙食得吾好所以有呢個磅數係好難得(而且當年一一只係5磅幾), 最happy係佢皮膚好白淨同哥哥比真係差好遠.

待續…

潛水2個月

呢2個月實情發生幾多野, 返工忙又撞正面試月, 有好多個晚上連面都冇洗就訓到第2朝(呢排重要天氣凍更好訓)

呢個面試月其實有好多野想回顧, 細節有好多吾記得, 最大感覺係原來好多幼稚園都expect小朋友more than ready去返學, 好似要識認顏色, 數數字(或者係我太hea吾覺得要教), 最神奇一次係一來就帶小朋友同媽咪分開入音樂室唱遊, 自問作為大人o既我都接受吾到更何況得2歲o既小朋友. 而且我呢個hea媽以為報6間in 5間已經夠, 再加上一一冇讀n同細b, 最終有一間收am我都已經好滿足.

除左面試月, 其實有d野完全打亂左自己腳步.....

就係...

繼量產型"一一"後將會有"二二"出現...(暫時叫住"二二"先啦)

佢黎得比預期早. 宜家3個月多d陀住佢冇再好似一一錦狂嘔只係胃漲d, 胃口ok不過要少食好多餐, 2個月o個時臨訓食完2點又食4點又要再食(諗起都顛), 宜家都好左不過一定要食宵夜. 二二吾只一次照ultrasound俾醫生話佢周圍轉 (睇黎量產形二號活躍程度比一號更出色!) 正因為二二咁好動而一一又咁男仔款, 所以我估99.9999%二二都係仔 (OMG~諗起日後俾3條仔圍就驚喇==") 又正正因為我吾想咁快知道呢個可怕o既事實, 我排到二二 5個月照結構先真正面對佢o既性別 (俾我發下2個月夢係女都好吖)

其實口講就話怕, 心裡都ready二二o既來臨,
希望呢次孕期食多d訓多d好好享受埋呢幾個月同一一玩o既時間啦~

一樣米養百樣人

講起出街玩, 令我諗起另一件奇事...

小朋友出街搞其他小朋友或者對人地玩具有興趣好平常, 

小朋友世界好簡單好直接, 好奇就去摸去睇, 

但大人思想就複雜千萬倍. 

吾知做媽媽o既你有冇同樣感覺, 成日吾知對方(屋企人)點諗

吾知我個仔搞到你個仔你中吾中意

吾知你會吾會吾中意交換玩具玩...等等

其實大部份我遇過o既家長都係冇所謂, 小朋友應該一齊玩.
但上星期就有個幾深刻體驗, 到宜家都重記起心度

呢期一一對搖控車好有興趣
見到人地玩佢一定走埋去指手劃腳, 追住架車

(你千其吾好變叮噹入面個阿福呀!)

我當然陪住佢o係側邊, 因為我又係怕人地阿媽吾中意...

點知人地阿媽真係吾likey (呢d好易feel到), 我就好識做引一一走.

車係男人o既最愛, 吸引埋玩緊scooter既洋人bb走埋黎一齊睇

神奇o既事就發生喇...

個媽媽180度用非常友善又熱情o既態度同洋人媽媽&bb吹水

當場呆左又有少少着火

我以為入名店先會被人歧視係香港人, 原來同個仔出去玩都會被歧視...

  

防不勝防

之前以為拐帶小朋友只係謠傳, 點知我家一一都差d中招

諗起都心寒...

近排秋高氣爽某個weekend想去長洲行下, 去到碼頭好"合理"地有一大班強國人聚集,
當時老公推住坐o係bb車o既一一排隊, 我就好自然先排隊入閘

(大家都應該知推bb車出街要左閃右避又最遲o個個入) 

由於排隊人數太多同吾知咩原因, 老公離開左一一少少身位去買"菲"

就o係呢0.0XXX秒有個男人推走左架車仔

OMG!!!好在不嬲老公安全意識超強, 即時喝止.

由於我見吾到事發經過(俾着我負責推車, 個仔實冇左...)

據老公講個男人貌似大陸人, 手法純熟

當時碼頭叔叔都有追出去捉人, 但當然捉吾到啦

宜家諗起都覺得好痴線, 周街拐小朋友原來千真萬確, 大家要小心!!!

Born to be...

話說我地兩老重係拖友時曾經好傻(明顯年少無知) 

錦希望日後生個顛顛地o既小朋友

(即係人地眼中百厭, 周圍走, 影相會擺騎呢pose之類)

今日我地如願以償, 隻仔真係冇時停又騎呢 (呼~~)

(食個橙啫~吾洗咁誇呀?!)

(連隻腳都配合埋架!!!!)

沒有最騎呢只有更騎呢!

小色狼

明明我地兩老講野吾多, 但偏偏生左隻口水多過茶, 熱情如火o既仔

因為有左呢隻野, 我敢講我講野次數已經係以前o既總和

o係屋企吾在講, 出街又要陪佢講呢講路,
又因為佢見陌生人就say hi + 自我介紹, 迫住我都要塔散埋一份
想口臭都難

不過呢隻野吾知邊度學返黎, 只係鍾意同樣貌nice, 靚o既人講野 

尤其大愛妙齡少女!!!
對住姐姐仔冧笑, 塔散我都算,
熱情如火o既佢有時更加摸人或者熊抱
真係十級救命!!!

(你睇佢, 第一次見人就埃曬身埋去, no eyes see)

各位, 認住呢隻小色狼, 有B女o既記得運路走~

戒片 (70%成功)

因為我阿媽一句"當年你2歲前都戒左片" 

激起我o係一一歲半前開始hea住同佢戒

過左個半月時間一一已經70%成功吾洗用片(掌聲鼓勵) 

淨返30% 只係有時玩得投入得濟會失手
同埋安全起見出長途街, 訓覺都重係包片, 

但我已經好心足了!!!

其實我都係抱住"試下啦"心態, 開頭當然經常失手, 

但我同奶奶都吾會鬧一一, 只係話佢知冇著片片, 要"she she"就出聲, 

講到呢道我都好感謝奶奶配合一齊戒, 

日頭每個鐘抱佢去廁所一次等佢有左習慣

再加上宜家天氣熱, 佢自己都吾鍾意焗住. 

等佢心理上ready就好易戒到 >> 雖則講起上黎好玄, 但確實係如此.

小朋友真係冇得急冇得迫, 迫反而會有反效果. 

好似我當年就因為未ready, 每晚訓覺前都要擺個potty o係床頭, 

合上眼一陣又心理作用覺得好急, 如是者要上落床好多次先訓得著.

我記得我10歲前都重有呢個心理壓力 (吾係講笑)

所以timing真係好重要!

暖男

自從一一學識甜, 酸, 苦, 辣, 佢o既口味都開始有先後次序
甜>酸>苦>辣

而近期飛佛係雪榚同提子乾, 喜愛雪榚程度可以話係無分天時地利,
 其實係咪開始要俾牙膏佢刷牙呢? 但又怕佢吞, 始終化學野

------------------------------------

呢隻馬騮大部分時間都處於瘋狂狀態, 但間吾時都會天使上身
而且把嘴重幾甜

例如最近每次錫完佢佢會話"甜甜味"(只係我錫先講 hehehe)

又例如今朝送佢去阿嫲度同佢講
媽咪放工會跑返黎見一一, o係嫲嫲度要乖啊~
平時o既佢只係似明吾明o既講知道
今日佢竟然細細聲講"鍾意媽咪"

嘩~殺我惜手不及, 即刻暈得一陣陣~~
今晚俾我見到佢重吾錫多幾啖

又一個週末

落街一分鐘都溶o既天氣, 好應該去游水消暑

可惜我家沒有club house, 公眾泳池又長期爆滿,

都係留o係室內最嘆

冇野做, 不如食
   

    

又或者周圍貢, 影下相擺下post

 再吾係selfie一下

跟喜歡o既人做最簡單o既事, 其實已經好難得

邊個會知明天會發生咩事?

假期後, 可以為愛你/你愛o既人努力工作, 吾係已經好美好嗎?

生日澳門遊

由二轉三字頭當然要搞個旅行賀一賀, 近近地去澳門玩下啦~

第一次3口子外遊未出發先興奮, 估吾到去完幾日都重好回味

去相

check-in食完野竟然撞正Dreamwork (功夫熊貓+荒失失奇兵)巡遊, 

大人細路都睇到好開心
"I like to move it move it~"

上到房好surprise好新淨又大,

兩父子玩跳床又周樹跑完先肯去游水

泳池好大有兩邊, 游水之餘俾一一執到個吹汽波,

游完水再上房喪踢, 真係服左佢~

見時間吾早就落去手信街搵晚餐

一上車舊金霸王終於支持吾住

好喇, 我地兩公婆可以慢慢行慢慢搵野食

是日食韓式pizza店, 大鄉里第一次食韓式壽司,

吾知係咪新鮮感好似比日式好味

吾知幾時開始成日影相串串貢=="

食飽返酒店

(同同類合影最合作 hahaha)

第二日

大家都訓飽飽, 黎個"偽"美男照

你睇佢真係以為自己係美男, 幾情深~ 

點知一開口...
 "美男? 搵鬼信你咩?" 

o係房自戀完又encore游水, 游左半個鐘又係時候開飯

成日聽人講澳門buffet好正, 今次誤打誤撞試下酒店旗下餐廳又真係吾錯喎~

lunch buffet黎講好多選擇, 甜品又多, 正~ 

食野對呢隻馬騮黎講緊係零興趣, 但有真車睇又吾同,

 平時叫佢影相3摧4請, 今次俾佢見到佢最愛, 竟然乖乖企定影相

之後去左科學館

好多地方都好岩小朋友玩, 但撞正金霸王冇電行左一陣就走

之後為左準時上船求其食完野就閃喇~

2日1夜hea下hea下就過左, 如果個仔d大一定會更開心,
至少吾洗每餐都搞到我腎上腺急升

(其實又吾怪得佢, 佢咁細就要跟我地食大人餐)

黎緊9月計劃同埋公公婆婆舅父去長隆, 期待~

"安全帶" 冇獎問答遊戲

小朋友到某階段真係吾洗特登教(或者教佢都未必聽), 

到左咁上下佢就跟人口水尾, 無啦啦自己又會學識一d新字

日日有驚喜...

坐bb車學識安全帶後, 估吾到有樣野令我重新發現原來都幾似安全帶

而我用左咁多年都吾知...

事源某朝早為左一一吾好out of control我叫佢入房等我換衫

我就好似平日錦背住佢著衫, 佢突然叫

"安全帶呀!"

我停左一秒, 之後大笑左幾分鐘

各位媽媽們你估到佢講咩嗎?

小小腦袋竟然有超強幻想力, 佩服!佩服!

2014 Calendar

一一 9M時用團購回來的package影左輯全家幅, 

影相當日小文生心情好好, 第一個shoot剝光豬直頭係佢favorite, 

吾洗特登"豆"佢都keep到尾好hyper, 連攝影EE都讚佢夠合作

 (呢隻仔冇野好, 出街都叫做俾下面我地兩老o既~) 

不過等呢輯相真係等到嘔血, 摧完又摧終於o係10月底搞店.

由於要趕o係11月頭一歲生日做14'月曆俾4大長老, 

好冒險錦用左3日半office hour 砌左1本photobook, 3個月曆出黎. 

Photobook 出黎o既顏色同softcopy差不多, 9x7" size剛好, 紙質夠厚同實淨

連一一都成日自己攞出黎睇完又睇 都冇穿冇爛

(我懷疑佢有少少自戀, 睇到自己d相, 照鏡都會傻笑)

但係個月曆就吾多ok, 顏色全部偏曬黃, 好似印左好耐錦.

好在4大長老冇所謂

總括黎講團購時artcow係好抵買的, 但月曆就真係吾好試喇.

我見佢重有cushion printing, 吾知個quality又點呢?

 

 

大閘蟹之初見面

又到大閘蟹季節, 本住"得啖笑"心態O既我就同一一黎左個<大閘蟹初見面>

究竟一一初次同蟹蟹見面會係點呢?

.

.

.

.

.

.

(你d戲會吾會誇左d呀, 大哥....)

吾知一一從此會吾會驚左蟹呢? 哈哈哈哈~

《天下父母心》

港台最近有個新節目<<天下父母心>> 好啱我地呢d新手爸媽睇, 睇左第一集已經學到野, 推介!

http://podcast.rthk.hk/podcast/item_epi.php?pid=528&lang=zh-CN&id=34260

Y!BLOG bye bye (FB 見!)

我諗大家一打開個blog見到頭頂o個句告示都好失望, 點解一個咁大搜尋網連一個blog都維持吾到. 

我相信呢單野講黎講去都係個錢作怪, 又吾可以值入廣告, 又吾可以收你錢, 不如褶左佢啦! 
但係yahoo知吾知呢度對好多人黎講係充滿好多回憶係好重要o既資產 

諗到呢d真係好想去信投訴yahoo!!! 不過...我只係一個小c9, 麻煩野都係吾好搞我.

冇左yahoo, 重有千萬個方法connect一班blogger既方法, 例如最簡單o既facebook 

https://www.facebook.com/miki.chan.146

Add我啦~~~

Wakakaka

(上文提到一朝一一叫ar ma)

同一個星期六早上, 我起身老公又show左個仔傻笑o既video, 真係開心屎我喇

Ar ma!

9個月的一一剛剛過去o既星期六終於識叫Ar ma, 之後更Mamamama不停





最近一一吽牙晨早6點幾就成身, 當日(星期六)也一樣晨早叫醒我(地), 我同佢玩玩玩玩到八點到終於到爸爸接手(我再補眠一個鐘), 點知神奇o既事就發生喇!



起身出房門老公即刻叫一一講Ar ma, 第一次聽到佢叫以為會感動, 但係我同老公只係識對望大笑. 

老公o既HAHAHA更加嚇到一一喊要呵呵返 (一一真係可憐有個short
short地o既爸媽)


作為MaMa當然好開心啦 (爸爸就有d小失落) 不過人地講先識叫o個個人o個個就辛苦d, 所以爸爸應該happy就真. 

其實講返轉頭我冇刻意教過佢叫mama 反而係奶奶,老公教佢多d. 我諗奶奶自始會改口勁train一一叫低音d既"嫲嫲"



(條片係我補眠時老公拍的, 所以一一當時未掌握到要到0:23先叫"Ar ma")