4個月

成日話難搞, 手忙腳亂錦又"呼"一聲踏入第4個月, 再懶o既性格都要的起心肝紀錄下一一o既成長先

食

從2.5月開始由4oz>5oz, 再由3月頭開始1日會有2餐食到6oz(多數係晨早5點幾同黃昏o個2餐),
大部份時間都keep到食5oz, 不過當然有時心情吾好, 太眼訓就會食2,3oz收工,
呢方面想迫都迫吾黎. 希望佢一直keep住向上發展啦

(** 其實有樣自己覺得幾羞家o既事, 一一宜家識睇人餵而改變胃口!!
好似上星期錦, 晚晚我餵佢只係食3,4oz, 但我媽/姐姐平日餵就差不多次次清曬;
我諗可能係我見得佢少, 自然同佢親子時間吾及佢地, 一一見親我就食奶所以吾係幾肯同我合作掛.
吾得今個星期幾攰都要多d同佢玩多d抱抱佢)

瞓

一一係一個訓好少o既bb, 我成日都同佢講 "媽媽似bb多過你, 不如同媽媽調轉一一你去返工, 我o係屋企訓多d覺啦",
平均每日只係訓10hr倒, 不過見佢都精神就吾理佢啦. 

夜奶方面其實我都吾知戒左未, 有時4點零, 有時5點幾就起身要食奶, 即係話佢臨訓前支奶最多只頂到5-6個鐘.
吾知幾時只可以真正一覺到6,7點呢
重有一樣就係佢要暗訓覺, 真係吾知幾時自己先狠心同佢戒左去
  
玩/喜好

一一係口水佬(多野講) 爛玩豬(周圍move不停)
- 近期識得照鏡, 次次抱佢o係鏡前同佢傾計都有問有答(佢真係等我講完佢至講嫁), 好似好識講野錦
- 雖然距離識行重有一大段日子但我抱住佢加拿大仔佢對腳真係有意識地向前踏, 重要左腳踏前完右腳踏, 真係估佢吾到
- 鐘意坐吾鐘意訓, 吾知點解2個多月開始一打橫抱/ 平放佢就吾like(可能佢覺得平放係要訓覺意思),
要人抱直/ 俾佢坐起, 因為佢條腰未成熟所以都要好小心比佢坐
- 對紅色野特別like, 新年o既揮春, 紙金魚係佢favorite, 新favorite係床頭轉轉吊鈴, 佢會望實吊住轉緊o既公仔然後好開心錦腳撐撐
-  識得認人/ 認地方後, 陌生人同佢講野佢會喊, 不過抱下"愛"下佢就吾會再喊, 百日宴當晚個個抱都冇扭計(抵錫~)
- 識得抬頭, 重可以hold幾耐tim

其實重有好多但一下子又諗吾起, 記得再講啦~ 總括黎講除左訓覺, 一一係一個好抵打o既小bb (做左人阿媽真係吾敢直接話佢好, 因為試過好多次"衰左")



下個月我地就會離開我媽媽度搬近奶奶 (我爸媽對住左一一成4個月真係超吾捨得佢),
一一宜家超認地方去到新環境又吾知要喊幾多晚先適應到了 (希望越少越好啦).

其實我宜家有個十字路口吾知點揀好, 奶奶可以full time full day照顧一一 (連夜晚都ok). 
好: 老公間吾時就要上大陸做野所以奶奶可以full day照顧一一對我地黎講真係幫輕好多好多,
缺點: 每日見面時間相對少左好多, 只可能放工同佢玩1,2個鐘就要分開,
或者要等到星期六日我地放假先可以full day同佢相處下.

而夜晚湊返屋企照顧
好: 我知點都比吾上FTM可以相處咁多時間,
但至少佢會意識到訓覺可以同爸媽一齊, 夜晚訓醒有咩吾舒服爸媽都o係身邊
缺點: 當然放工之後要捱夜餵夜奶會好攰 

其實好睇我點決定 (亦可以講我肯吾肯付出多d), 老公吾係吾想幫手而係佢返工真係好攰,
我見到佢咁攰都吾想佢咁辛苦啦. 



送上近照一張, 一一開始向橫發展了(不過都係得塊臉), 而我地就越來越殘同瘦, 好大對比 hahaha

我又返黎喇!

消失左3個月 自bb出世後既10個星期都冇一刻得閒過,
佢o既世界就成為我o既世界, 突然變成緊張大師更一度抑鬱, 但得到家人, 老公, 朋友, 奶奶o既開解又醒覺起來.

每日bb都在成長, 每日都有新奇事出現, 我也每日在學習.


11.11.2012 經過9個鐘陣痛, 100%自然(連笑氣都無) 順產11:04pm 出世
為左記念佢出世好多個"一"字, 老公為佢改左個名都有"一"字, 叫"卓一"


頭幾日訓, 訓, 訓, 嚴重日夜顛倒(宜家2個多月都間中午夜吾訓)

1個月後開始多了開眼

不過自第一次出街去奶奶家之後就開始識扭計, 訓得好少, 皮膚又出問題...

越大越"懶"大個, 好似好多bb心事


也由尖臉變方包臉

也笑多了

也多口了 (心情好會狂聊人傾計, 有次午夜吾訓重迫姐姐同佢傾計, 吾傾就喊, 真係俾佢激死)

一一, 看著你每日長大, 我也跟自己說要長大了

Wk 35 - 搬回娘家準備

為左坐月同俾阿B+我最好o既照顧, 我地一家3口o係上上個星期日搬返娘家. 其實未搬前心裡都好多憂慮, 始終結左婚冇耐就有左一來要適應2人生活, 二來有左又易情緒吾穩定, 到左適應左大家生活習慣又要搬新環境, 莫講係老公連我自己搬返娘家都有D吾慣 (好簡單o係阿爸阿媽面前連叫老公都有d尷尬). 希望o係阿B出世前盡快適應啦.

不過自從WK32之後身體真係冇以前咁靈活, 對腳亦有腫, 個肚真係每個星期都大左D (宜家我差不多WK36就有39"了, 不過壞消息係我爆曬紋喇!!). 不過返娘家有姐姐煮飯食完就"印印腳", 媽咪又會煲D去水腫, 清胎毒o既湯, 真係比起之前一收工就趕返屋企煮飯舒服好多. 同埋返娘家有屋企人又有小狗人氣多D我都冇咁悶.

上星期六去覃醫生度檢查, 醫生話阿B頭圍, 肚圍都正常, 雙腳偏長, 磅數2.4KG雖然吾太重不過都叫正常, 姑娘都叫我多休息可以長胎. 希望阿B乖D吾好咁早出世, 錦我就有信心佢可以夠重了(我希望佢出世有~2.9KG).

今日去健康院做B鏈檢查, 聽人講一D都吾痛但點解我覺得"直腸"o個part咁痛o既, 屎啦, 抽少少野去驗我都覺得痛我點生阿B呀~~

Wk 30: 照4D回顧(wk29)

上個再上個星期六(8/9)去左覃醫生照4D, 今次有老公, 老公家姐同行感覺冇上次等得咁耐(好似等左9個字). 開頭阿B吾乖2隻手掌擋住半個臉豬要醫生按左幾次個肚(我諗係fing開佢雙手) 終於阿B都俾到3/4臉我地睇, yeah個衰B個樣都幾係我同老公混合體, 鼻大大似老公, 個嘴仔, 下巴, 臉型似我. 最可愛係佢個"炸腮臉", 搞到人好想"meet佢". 至於手手腳腳就吾多肉地都係長長地. 睇黎我呢個媽媽真係要加油食多d野喇.

張4D相想到阿B出世先一次過post出黎 (到時就知4D相同真人有幾吻合了), 真係好期待見到呢個衰豬呀


(WK 30)
體重 125lbs
肚圍 36.5"

Wk 28: 開始睡得不太好

自從wk27大感冒之後一直都訓得吾好, 一晚吾係中間要去1,2次toilet就係手痺到醒, 醒左之後要碌一陣床先訓返, 就算訓著都會發好多夢. 所以每日再吾似之前咁精神了, 聽講遲下個胎再加磅睡眠質素會更低tim

黎到wk28都可以叫懷孕o既後期, 食量都吾係特別大, 但肚圍直達36"了, 到左夜晚真係feel到個肚墜墜地有時要用手托一托, 我成日諗吾知到生個肚會吾會直迫39"呢? 

尋日收到2個好消息, 一個係懷孕9個月好友生左喇, 雖然早左3個星期但仔仔都有5磅11, 而且佢只係用左一個鐘就順產生左(佢係第一胎), 真係好鄧佢開心. 第二個好消息係老公計劃10月中幫一個基督教團體去四川步行籌款, 係一個好好o既機會了解地震後o既實況同埋可以幫助山區o既人真係好有意義! 如果吾係我有左我一定會一齊去! 雖然離預產期有d近, 但我相信神必定有佢的預備, 佢會安排最好timing俾阿b出世的 

其實最近因為坐月居住問題同屋企人有少少意見不同, 但早幾日睇見mtr有個廣告寫住「人生總有起有落, 起落時不忘喜樂事」我又有返好多正能量, 因為我有阿b, 老公, 好多朋友o既支持, 重有神, 我吾會咁易被負能量打倒的!!!


下星期我會再去威院產檢(又吾知等幾耐), 同埋星期六會同老公去覃醫生度照4D, 好期待呀, 吾知阿B成長成點呢?

Wk24: 我是懶媽媽

 

其實聽日起就到wk 25, 原先諗住尋日去威記第一次檢查可以update下阿B狀況(我以為有得照), 但點知得個吉重要嘥左成個上午呆等, 政府D野真係好把鬼...

尋日我足足等左2個鐘, 其實個護士同我對資料時叫我記得同醫生確認預產期, 但最後醫生只係用左5分鐘同我度肚咩都冇做, 原因係佢話我冇帶私家超聲波D相要有D相先俾到個期我, 但係我心諗點解你吾安排我照一次超聲波要我走多次黎又再呆等個上午呢? 我上BK先發現原來吾係淨係得我一個5,6個月先第一次去醫院檢查又要冇唐氏, 冇結構照, 吾知會吾會因為威記係新界地方, 多雙非,單非, 所以先分得咁小資源出黎呢?

當wk20知道阿B係B仔之後成日同自己講要趁未太大個肚去買bb野, 但呢個月可以話零進度, 連BB展都冇去(怕人多) 只係買左條"咩帶"咁大把, 真係超懶 
不過老公靜靜雞買左呢個俾阿B, 真係吾知好嬲定好笑


吾知佢係吾係想阿B變酒鬼定想佢飲奶次次bottom-up呢

至於阿B佢就一日比一日活躍, 成日踢我冇時停, 我成日都問阿B你搞咩呀, 係吾係好悶想快D出黎同媽媽,爸爸玩呀? 吾知阿B出到黎係吾係都係咁活躍呢? 係都吾錯喎, 因為老公都係坐吾定o既人可以同老公玩多D. 

Week 24
肚圍 35"
體重 120lbs

W20 照結構 + 性別揭曉

由w17開始阿B一週比一週活躍, 有時係食飯前/後踢我, 有時下午聽歌會踢足15分鐘, 而阿B踢得我最利害係夜晚播歌仔俾佢聽, 次次聽完都見佢踢到我肚皮彈彈下, 好得意(當我照完ultrasound至知平日踢得最大力o既地方就係阿B對腳仔) 不過阿B好偏心聽到老公把聲就俾反應, 我同佢講野佢就吾理我, 激屎我

除左俾聲音阿B聽最近我地成日會同佢玩"小遊戲", 個遊戲係當阿B踢一個位置, 我/老公就會o係同樣位置按一按等阿B回應(踢返我地), 阿B好似都幾鍾意錦玩, 通常會回應我地2, 3次之後會改地方再踢, 我地又改地方再按, 好似以前細個去冒險樂園玩扑田鼠錦(當然輕力好多啦) 吾知你地有冇試過呢?

上星期六期待左好耐O既照結構終於來臨喇, 可惜老公要返工所以媽咪陪我去. 今次搵左覃伯英醫生照($1200, 包相), 佢真係好細心又好有耐性. 其實除左W9照過一次都冇再照, 所以日後再照我都會搵佢. 不過當日約左10點因為前面媽媽照得吾清楚所以我地等到11:30先有得照, 坐到我同媽咪都呆下呆下. 但阿B好合作所以我地好快就照完, 醫生同姑娘都讚阿B乖

知道阿B各個器官, 手腳脊骨生長都健康真係好感恩, 醫生問我知道阿B性別未, 我話未, 醫生一照連我同mami都見到好明顯o既結果

登

登

鄧

有"慈姑椗", 係仔仔呀

我同mami都吾相信自己對眼(直到呢一刻都懷疑中...), mami仲好搞笑錦問醫生有幾多成係, 醫生好肯定答佢99.9%
點解我地吾相信?! 因為我,身邊好多朋友什至老公家人都覺得老公好"外父相", 而且老公愛甜食, 我"暫時"個肚又吾尖, 皮膚冇咩點變(同以前一樣易敏感) 所以老公之前成日恨仔仔我地個個都叫佢"屎心". 點知今次真係俾佢恨到, 最開心係佢啦.

落左樓媽咪即刻打俾99話佢知, 雖則99口話鐘意女仔但老人家始終覺得有仔更好, 但我點都估吾到99開心過頭竟然快過我話俾老公知, 真係激到我

不過點都好對我黎講阿B健健康康最緊要. 重有4個月, 我同BB都要好好珍惜呢段時間, 我要食好/訓好等BB做個健康B

Week 20
肚圍 34"
體重 117.7lbs