教友的婚禮

上星期六出席教友o既婚禮, 呢對新人同我地年紀差吾多, 大家見住對方拍拖, 差吾多時候定婚, 差吾多時間結婚 (重要我同佢老婆係同一屆洗禮) 所以我地有好多共通點, 亦因為錦大家會有份外親切感. 其實我地行禮當日我冇喊過, 但當見到一班弟兄姐妹為我地獻詩我就好感動. 今次論到我地為佢地獻詩, o係短短幾分鐘心情好激動, 一來見到佢地終於步入教堂好開心, 二來歌詞裡面提到 "我們愛 因神先愛我們" 又再提醒我神一直好賜福俾人. 但願我同文生日後都同歌詞一樣 "一路上彼此照亮 扶持擁抱 我們的愛讓世界不一樣".

我地big day d相攝影師終於搞店喇, 星期三會出去收貨 (真係等到頸都長). 收到d相之後, 我會盡快分類再同大家分享

明天我要嫁給你

明天就是大日子了, 本應是時間去睡, 但又想在這裡分享少少感受

很高興在籌備一年多的婚禮,身邊有很多好朋友, 教會弟兄姐妹, 家人幫了我很多很多. 還有你們, 在籌備的日子分享了很多資訊給我. 真的很感謝你們, 感謝每一個幫助過, 聆聽過很多我訴苦的朋友.

明天不是只屬於我倆, 而是屬於每一位鄧我們快樂的人! 最重要Happy Together 

明天的實況會在蜜月後報告, 等我啊~~

亂文一篇

重有一個月多d, 每日都做好忙, 跟進發帖進度, 做好多好多個表, 兄弟姐妹分工, 物資分配, 遲d重要分配坐位, 人名表, 人情表, 斟茶表等等, 真係忙屎人了

所以今日只好出一篇"大雜繪"分享下最近發生o既事.

- 婚檢, 我地揀左KINETICS, join左1580個package. 其實我冇格過其他公司價, 只係blogger既comment都ok所以就揀左. 基本檢查都係血液, 肝炎, 尿液...再包埋地中海貧血, 女性貧血 (我覺得check埋呢2樣都夠). 上星期睇完報告overall都ok, 只係check到男友冇乙型肝炎抗體要補返打針了.

- 一直我都係皮膚超級敏感o既人, 就算搽咩野, 食中藥, 早睡早起我塊面都係成日紅卜卜, 冬天更甚, 有時重會無啦啦出紅點. 之前食獅王A錠丸都一直冇咩分別 FACIAL更加吾敢亂做. 所以基本上我都冇理過塊面. 不過之前見2位姊妹婚前飲Tense-up效果幾好, 我都開始試下(改善吾到敏感都當為皮膚補一補).   

- 花球重未定, 重諗緊3個option中揀邊款 (A) 深色夠sharp (B)有D葉好似有D新鮮感 (C)白色大繡球好似幾好. 因為近新年鋪頭會好忙, 我諗住2月頭先confirm, 或者最後C9仔性格會用價錢做決定 (舊文(私有化): http://blog.yahoo.com/miki137/articles/436879/category/%E5%9B%8D+%EF%BC%8E%E7%89%A9)

- Honeymoon選了熱辣辣o既Hawaii, 預計玩6日4夜啊 ^^ 不過重要過美國簽證呢個大關口, 做過美國Visa既都知佢地門檻幾高, 聽日去interview, 真係要為interview祈禱. 不過就算攞到visa都要睇下有冇機match到婚後第2日上機.

- DIY尚有詩歌歌套, 拍拖紀念冊未搞掂, 都吾知幾時先有時間開工...

- 新居差不多搞好, 但係重未有時間搬自己d野入去

- 最近好想食老麥(我平時係吾鍾意食老麥嫁), 我諗我真係太大壓力了(減肥方面)

今日寫住咁多先(我又要去做表了), 有時間再寫過 SEE U

過大禮

平安夜那日係我地過大禮o既日子, 當日冇咩特別儀式, 只係簡簡單單過大禮後去飲茶  夜晚再打邊爐. 其實似兩家人連埋我呢邊親戚聚一聚多d, 真係要感恩baba mama真係做到"一切從簡", 連我地最怕o既拜祖先都吾需要, 真係太好了.

雖然今年平安夜未可以出去報佳音, 但係當日我地兩家人確實過左一個好好愉快好平安的平-安-夜, 感恩. 



過大禮之後呢幾日baba mama就即刻打去俾親戚問全名又叫埋細佬入帖, 咁自動自覺, 真係抵錫~~

Check list -- 2m2w

剛過去的星期六是第2位好姐妹的大日子, 今次我更當起伴娘的重任, 那日真的忙極了, 不過再累都好, 能夠見證一對好朋友相愛再結為夫婦真的感到很快樂. 那天有好多感動位, 最深刻是新娘爸爸幾次表現不捨得的場面都令旁人感動起來. 當我想到到自己結婚那天, 要是相方家長感動起來, 我想我跟PP都忍不了 (那麼4個人一起會不會太醜怪呢? ...我不要呀...) 至於第2件深刻的就是那位"攝影大師"的態度, 真令我看不過眼 (日後有機會再分享). Anyhow 再一次祝福蘇生蘇太婚後更加甜蜜, 遲d生個蘇蝦出黎就更完美了.
 
至於我跟PP, 最近真的很忙很忙, 我主要是忙着朋友及自己的婚禮, 而PP就忙着新居上的裝修 (其實我地之前無特別分工, 是自動自覺分配的, 這就是默契嗎?) 現在新居都完成近7,8成了, 我們都說真想不到會有一個屬於我倆的小空間, 真的要感謝主, 也要感謝PP落手落腳的付出.

還有2個月2個禮拜, 很快就到我們的大日子了, 但仍然有好多item未done, 要再加把勁了!

傳統禮儀
過大禮日期	2011.12.24 (Sat)
過大禮用品	Tai Po Modern
西餅卡	美心100pcs
唐餅卡	奇華 20pcs
龍鳳被	Mami bought
金器	Mami bought
囍字貼、貼紙	1/2 OK 已買囍仔絨面(大)x2 + 小貼紙(250pcs)
男女家對聯	Tai Po Modern
男女家上頭用品	已買
男女家上頭睡衣	已買
好命公、好命婆	???
接新娘、回男家
新娘花球、新郎襟花	秋子- 湯先生 頭花、花球、新郎的襟花兩個 一共襟/手花有16個 **襟花教堂才用
感謝花束
主婚人襟花x4
婚禮嘉賓襟花 (~10pcs)
伴娘花球	DIY
兄弟團襟花(連伴郎)	DIY
姊妹團手花(連伴娘及婚禮統籌x2)	DIY
接新娘遊戲及道具	未準備 (~3個)
接新娘愛的宣言	DIY
接新娘開門利是	未準備
斟茶茶具/紙杯	1/2 紙杯, 欠托盤
斟茶紅棗蓮子	未買
斟茶跪墊	已買
出門-米豆	未準備
出門-紅傘	已買
回門乳豬	酒樓提供
教堂註冊
教堂地點	KUC
結婚戒指	J's
戒指枕	DIY
封套(詩歌班用)	DIY
結婚證書封套	已買
花女頭飾	未買
簽名布	Cxld
簽名筆加筆插	DIY
Reception – Welcome Board	DIY (製作中)
Reception – 簽名筆加筆插	DIY
場地佈置	KUC 提供
婚禮
婚宴地點	好彩酒樓
場地佈置	酒樓提供
MC	老伍, 雪
音樂	OK
席前小食、飲品	酒樓提供
紅酒	未買
橙汁	未買
結婚蛋糕 (真+ 影相)	酒樓提供
Reception – 朱古力	未買
Reception – 座位表	酒樓提供
Reception – 簽名布	未買
Reception – 人情箱	DIY
Reception – 啤牌	OK
Table No.	酒樓提供
Menu	酒樓提供
席前影相安排	未準備
席前斟茶用品	未準備
禮服
新娘 – 婚紗	Hsiao TST
新娘 – 裙褂	Modern TaiPo
新娘 – 晚裝	Hsiao + Modern TaiPo
Girdle - SATAMI+束褲	金德
Nude Bra	已買
婚紗鞋	Taobao + DIY
裙褂鞋	Taobao
晚裝鞋	Taobao
新郎 – 禮服	Modern TaiPo
新郎皮鞋	I.T.
女家 – 爸媽禮服	Modern TaiPo
男家 – 爸媽禮服	Modern TaiPo
花仔, 女衣服	未準備
伴娘衫	未準備
姐妹衫	fm.wedding
兄弟呔	未買
細佬鞋X2	未買
化妝造型
Mua – 新娘	Ling Fok
Mua – 奶奶媽媽	To be confirmed
Mua – 姐妹	Yumi
新娘 - 頭飾	DIY 未準備
新娘 - 手飾, 頸鏈	未confirm
姐妹 - 頭飾	已買
攝影項目
Pre-wedding photo (HK)	Fd Bonnie + Targo
Pre-wedding photo (Macau)	Fingercross
Big day snapshoot	Aki + Targo
Big day video	Aki
成長片段	Aki
Photobook (HK)	卡片皇
油畫	未到HK
花車
主花車	朋友
Van 28 (兄弟)	孖一世
Van 28 (散席)	ABC Travel
花車公仔	Birthday gift
花車佈置	DIY (欠V帶未整)
囍帖及其他設計
囍帖設計	酒樓提供
囍帖印刷	昌記 1店
囍帖回禮利是	未準備
教堂邀請卡	設計中…
囍帖貼紙	OK (250pcs only)
教堂程序表	芥菜種 (150pcs)
伴娘及姐妹卡	DIY
利利是是
兄弟姐妹利是	未準備
婚宴場地員工利是	未準備
其他親戚/朋友利是	未準備
其他雜項
婚前檢查 KINETICS	17-Dec
婚前輔導	4-Dec
兄弟姐妹contact list	未準備
兄弟姐妹job list	未準備
Guest list	未準備
Sitting plan	未準備
全日rundown	未準備

PP, Happy last single B-day!

上年PP讓我過了一個很難忘的生日, 詳情可以搵返之前的post. 之後我已經好想計劃一個suprise俾返我男友, 但係好似吾係咩特別一年, 所以留待今年實現.

原先我的計劃是開麥記生日會, 有想過去bar搞, 但同PP好友商量後麥記好像太"小朋友", 而bar的min. charge又太高昂, 最後選擇了樓上cafe. 其實坊間有不少可以包場的CAFE, 但不是人數要求太多就是min. charge太嚇人(有些什至要3-4千多, 還要只有2-1/2hr, 真的很攞命), 最終找了一間在TST的CAFE, 下午包場的費用是我budget以內, 人數15個便可包場又有3hr時間, 見網上風評也不錯便急急hold場了.

場地找到了, 可是邀請朋友卻是很難預算的一環. 由於他的朋友我都不太多見到面, 幸好當中有幾個朋友是我認識的, 便搭上搭聯絡其他人. 經過一個月的facebook, msn, sms (註: 我仍然是2G人), 終於有12個朋友confirm出席, 加埋我 & PP, 緊緊可以包到場了.

昨日完祟拜後懷住緊張的心情帶他上CAFE, 當他開門那一刻, 見到他望著枱上的蛋糕及一大班朋友為他唱生日歌 又興奮又懷疑的眼神, 我知道這個suprise 成功了!!! 這個傻瓜還不停問 "點解你地o係度" "真係冇預計到" "好開心呀".  

不知為什麼那3個鐘好像很短的, 吃吃喝喝, 玩下X-BOX, Card game 就夠鐘了, 見到這個傻瓜全程不停傻笑那刻我有種不想完結的感覺, 我很想為他再延續這個快樂, 不想見到他煩惱的樣子(最近他為工作, 新屋搞到太疲累了).   

他跟我說 多謝我送了一份廿多年來最好的生日禮物, 能夠同咁多好友一齊慶祝是他的心願, 很難忘. 其實不是他先給我驚喜, 我不會有這樣的"禮物", 我真正要感謝的是他, 是神.

P.S.
- 弦路去CAFE 他突然說他很喜歡錫紙上的party food, 我心想: 你點解會突然錦講o既? 咁橋?! 你一陣真係食到喎, 傻佬~
- 他被suprise的一刻, 我知他一定很想流眼淚, 好在他忍著
- 間Cafe叫XD CAFE (TST), 我第一次搞包場所以都打左好幾次電話問野, 不過D員工都好好人, 食物好味, 地方都夠大, 又有好多card game, X-BOX, 重有露台, 值得推介, 讚~讚~讚~

申請教堂紙

申請教堂紙，基本的程序如下:

1. 三個月前致電婚姻登記處預約時間 (由於不在婚姻登記處註冊，因此網上預約不適用)
2. 預先確定男女雙方及家長的中英文姓名、身份證號碼、中文電碼（身份證上）、住址、職業等 (資料不能有錯、否則將來的結婚證書也會出錯);
3. 向註冊處人員表明註冊的日期及行禮的教堂名稱;
4. 付款305元，再被通知領取教堂紙的日期;
5. 在所定的日期或者之後再到婚姻登記處領取教堂紙;
6. 申請及取證男女雙方至少要親身到達婚姻註冊處一次，因為註冊處需要兩人的親筆簽名。

當然之後要把教堂紙正本交給預備行禮註冊的教堂
教堂紙交給教堂，教堂會為你們準備結婚證書；教堂負責人會將男女雙方及家長還未簽字的結婚證書正本事先給你們過目，確定無誤之後你們需要在教堂提供的另一文件上簽字作實。基本上結婚證書的格式及內容跟教堂紙差不多，幾乎是一致的，所以說教堂紙上的資料不能有錯.

Remarks:
登記時, 要同佢講明你會係教堂結婚。你揀個間教堂當然要係佢地個list入面既其中一間啦, 上網可以check到架。咁佢就會同你登記去做一張「教堂紙」。一般黎講, 佢會將新人既結婚登記貼出黎15日, 無人反對就會出比你架啦。

「教堂紙」有效期係三個月, 而係「教堂紙」上面亦會清楚寫明婚禮必須係xx年xx月xx日舉行, 逾期無效。所以你記住一定要係婚期三個月內上網站預約左先, 再download埋份表, 係屋企填好晒先去交表。表入面既職業個一欄係一定要中英對照架。其他資料, 好似父母姓名個d, 都一定要對住個HKID黎打, 事關你結婚証書就會就照呢張form上面既資料黎出既。最最最緊要係你同你男友係form上面個簽名, 真正結婚簽書個日係要簽返個同呢張form一模一樣既名架, 你要記住呀!

交form唔一定要兩個人一齊去, 只要其中一個去交form, 另一個去攞返份「教堂紙」時補簽就可以。


http://comtools.esdlife.com/wedding_forum/viewtopic.php?p=900306#900306
http://comtools.esdlife.com/wedding_forum/viewtopic.php?t=181924
http://www.gov.hk/tc/residents/immigration/bdmreg/marriage/bookgivingmarriage.htm

文陳飯局

其實兩家人o係我地2個拍拖時已經間吾中出黎食飯又一齊去過一日遊, 或者之前見過面又各有各忙, 到上星期六先有真正雙方家長坐低傾婚禮大事o既機會.

感恩全晚都係o係一個好開心, 好輕鬆o既氣氛之下傾左好多婚禮o既安排. 老豆重傻下傻下問我地幾時求婚, 真係俾佢激死, hahaha.

雖然我地雙方父母有時都有我地吾理解o既要求, 但佢地都算幾開通同明白事理, 真係好感謝主!

重有4個月就到大日子喇, 我同PP都開始感覺到壓力, 好似有好多事都未搞. 求主為我地開路 

真係登左

Hi XXX,

Congratulations! Your photos have been selected to post on Sugar Bride wedding website.
http://www.sugarbride.hk/2011/09/miki-man/

You are rewarded to receive a Ximpress Limited 50% Off Coupon (Start date: Sept 16; End date: Oct 1)

 

Many thanks for your support!

Sugar Bride - Share Your Wedding Ideas



-------------------------------------------------------------------------------------------------------------------------------

呢輯只係朋友玩玩下同我地影, 吾係D咩大作, 真係冇諗過會俾佢地揀中. 
其實本photobook都吾知用吾用得上, 原先想過再搵朋友影多輯不過應該冇人得閒影嫁喇....

吾好意思最近心情有點差, 都冇心機寫blog了...

又心多多...hehehe

Honeymoon是整個wedding中我最期待, 渴望的一個task (其實我對婚紗晚裝,介指,花球...都無要求) 然而地點一直未選定, 早前想過去美國, 又覺得"繁榮"的US不夠relax, Hawaii又好似太商業(小姐你未免太麻煩了~). 最近在巴士的廣告發現另一個好選擇 --- Fiji  

沒有Hawaii的"熱鬧" 又沒有Maldives太過"寧靜", 水清沙幼, 簡簡單單, 洗費又不太高, oh~~太好的選擇了

 

KUC 九龍佑靈堂 Cfmd

感謝主, 佑靈堂cfm左我地禮堂申請, o係星期三順利pass左interview

早o係2月頭我地打去問大日子o個日有冇available , KUC電話已經cfm ok
(一般教會只接受big date一年前申請, 有d重要8,9個月前先問得), 不過當時正值新年,
自己牧師放假, 所以等到星期三先可以安排到interview.

真係好感謝主為我地預備咁好o既禮堂去見證我地o既婚禮

(photo from KUC home page)

**P.S. KUC會提供簡單佈置, 吾容許拋花球/花瓣, 放紙炮.

2010 to 2011

 

2010

傷心低落失去方向過...

感謝主 祂讓我從中學習信服, 學習等待, 學習感恩

祂讓我受洗加入教會, 讓我學習教會的生活,

也讓我由一個成為一體.

喜樂從祂而來

用一首歌總結, 會是"A Whole New World"




2011

不再跟以前一樣害怕將來, 因為我再不是一個 我有盼望了

New beginning

 

 今年的生日又驚喜又快樂的在迪迪尼度過, 那突如其來的一個下跪真的嚇到呆了, 不過幾個月再看這些照片心仍然很甜, 多謝你~ 也感謝主.

就這樣我就成了未來文太了