介子枕

原先話吾整介子"枕"的我, 最後因為"枕"較易整所以都整左(今次真係自打嘴巴lu)

材料好簡單:



d棉係攞我爸魚鋼用開o個d. 因為要做到正面有少少"突起"效果, 所以cut左吾同厚薄size出黎.

但原以為易整都用左半日去整, 最麻煩係縫o個part (我諗自中學家政堂之後我都好少縫過野喇)

個完成品都幾接近我原先o既idea嫁

4th+5th 頭飾堂

第四堂: 西式
我想為散席做一頂禮帽, 所以上次上堂時就帶左d相俾Helen參考, 起初覺得帽上面d卷卷好怪, 好在後尾經Helen修整後個樣先見得下人炸~ 而髮型方面我想整"謝安琪頭去襯返~
 
個配搭會係:

 
(我同佢起左個名叫 "一碟豬腸粉加芝麻3粒" )

+

+




Last一堂: 西式
因為之前做左2個中式2個西式, 其實今堂係完全冇idea下開始. 有想過整個敬酒襟花俾男友就算, 但經Helen一提, 諗起March-In個包包頭(又名"柯德莉夏萍"頭or Kelly頭)需要王冠夾o係髮髻前面, 但由於王冠需要好多時間去串, 所以改左用lace代替. 估吾到出黎效果都幾靚, 簡潔之餘有d vintage感覺, 我好鍾意呀~~

咁快5堂就完左喇, 冇諗過自己咁蠢都整到見得下人o既頭飾, 其實最要多謝係Helen耐心錦教我呢個笨頭笨腦o既學生, 希望有機會再跟佢學整頭飾

香檳杯 + Welcome bride&groom

趁今日last holiday 乖乖留o係屋企繼續DIY野(因為之前太忙太懶, 有好多野都整整下又hea左o係度, 日日對住d半成品真係連自己都頂吾順), 今日終於的起心肝KO左對香檳杯同Welcome bride&groom la.

所謂Welcome bride&groom 其實係之前淘左對鐵皮公仔用黎放o係reception, 不過就錦放對公仔o係枱好似好dry, 所以加左d花陪襯下.



至於對香檳杯, 購自Ikea, 加d花同之前剩返o既絲帶, 吾需要"痴"石已很好了 



** 多謝baba mama友情客串借出一對玉手做model

還有好幾樣DIY item未finish (例如: 詩班的歌譜file, 拍拖回憶冊, 簽名筆, 愛的宣言...) 重有程序表, 人名表, 好多好多表, 真係要加加加把勁了~~

 

人情箱

見到人家做了仿Tiffany介子盒的人情箱, 我又學做了一個. 不過又買不到"Tiffany"色的紙只好用較淡色的代替, 再在蝴蝶上加粒假石, 出來的效果也不錯 

頭飾堂 3rd

今次又係中式, Helen話做一對吾好同一個size, 如果吾係戴上頭會似headphone吾好睇, 所以今次做左個細size的.

由於我吾想同上次太相似, 所以個毛毛波痴左珍珠, 再加埋我超喜歡的喜雀, 成品好可愛啊

下星期可以攞埋去試頭tim, 好野 

頭飾堂 1st+2nd

我一直都好想去學下同婚禮有關o既手作, 之前想過學插花(不過自己又吾係"好花"之人, 同埋插花總係好似好"老成"o既興趣), 又想過整頭飾(因為有次o係百利見到一個pompom中式頭飾 自此就愛上左), 不過學整頭飾其實都幾貴, 所以就一直都冇實行到.

但最近o係一個b2b個blog度見到佢整o既頭飾好靚, 我就send mail俾o個個MUA問價, 價錢都算係問過咁多間之中最"合理", 所以就報左5堂中+西式o既堂了. 

上星期上第一堂西式, 原先我以為西式好易, 可能係我笨手笨腳, 用左成4個多鐘先至完成, 但係...個成品我覺得吾係太靚, d配搭好似有d too much, 所以吾太滿意

到左今日上第2堂中式, 估吾到比上次整o既西式簡單好多(但係都用左2個鐘), 都係每樣野痴埋一齊, 好好玩, 個成品我重好滿意tim, 我超鍾意個pom pom同囍字 下堂我會再整多個中式, 因為我想戴一對頭飾襯褂, 好期待呀

大家有興趣都去學下吖, 好好玩的. 同埋Helen好好人好nice, 重要吾計較你用咩材料只要同佢講佢都會預備.

 

花車佈置 - 車門蝴蝶

絲花 - 好友菲比的物資
金粉紗布 - 深水埗"德祥"
絲帶 - 公司資源

至於車頭公仔方面, 我重諗緊點fix o係車頭, 由於對Smiley size好大, 我成日驚會跌, 暫時只係諗到將公仔先縫上蝴蝶再用索帶索上"鬼面罩" , 吾知錦work吾work呢? 

婚鞋 加工

自問自己係一個"男人婆", 如果大日子要全日著住對高踭我一定會叫苦連天, 但係著婚紗又點可以著平底呢?
幸好有"高con"的出現救了我, 淘了人仔50的高幫鞋, 縫上喱士 黏上石, 這樣的婚鞋太合我心意了

Be my bridesmaid

雖然姐妹團一早已自動當選, 但大家認識了10年多, 總覺得送上小小的邀請咭加一點小心意是必須的.
製作時間其實很快, 但卻拖了1個月才完成及送出, 都怪自己太懶了.
  

** 原先以love bird為主題, 可惜被狠評 "'雀不似雀" "太低B",  因此放棄了.



** 早前到韓國發現這髮夾不錯, 希望姐妹們當日用得上.


姐妹們, 當天辛苦你們了~

Ring bearer

雖然呢個item曝光率好短暫, 但一個賞心悅目的ring bearer卻能夠帶出整個theme的重點.
開頭諗住做個簡簡單單的ring pillow, 但諗到結完婚放埋一邊, 日子一耐d白色色丁布變黃會好核突就.

以下有幾個options 吾知揀邊個好呢...

花花系 (一個大花頭, 簡簡單單)

青草系 (感覺清新又配合theme color, 不過我地行禮o既教堂好古色古香, 好似2樣野吾多襯)

愛情鳥系

 

木製系 (讓我想起十字架上的木頭 超鍾意no.2, 但我點diy到? 而且成本可能幾高...)

(All pictures from etsy.com)