Yeah, I get it!

心情仍然hyper中, 我搵到心水o既婚紗鋪, 今日我重訂左褂!!!!!

最緊要又近又方便又平又靚又多款又新淨, 好野~~吾洗出去同圍搵喇, 真係好開心 

今日請左病假, 呆下呆下諗住休息下, 但見今日係平日(少人)Mami又得閒就去下傳說中的婚紗店. 點解叫佢"傳說中", 話說Mami個朋友佢女結婚, 佢同呢個老闆娘係朋友, 所以好順理成章去佢度租晚裝. 之後又介紹俾身邊朋友, 租過o既個個都讚好. 老實講單睇佢門面真係吾會令人有興趣入去, 如果住大埔o既都會經過見過, 門口只係賣下街坊裝只係隱隱約約睇到入面有d婚紗晚裝, 最令人卻步o既係一對"好有福氣"o既新人做宣傳海報, 感覺...真係好麻麻... 不過咁近又個個都話好, 我就去探下險, 睇佢咩來頭

入到去老闆娘帶左我上2樓, 嘩~~原來別有洞天, 上面掛左好多婚紗同晚裝, 佢俾左幾本婚紗我睇, 多款到眼花撩亂, 簡單/勁閃/拖尾/平腳乜都有, 因為今次只係"探險", 冇咩特別細睇之下試左一A-Line, 一鋼紗款. 婚紗好新淨呀, 試左出黎第一次有"做新娘"o既感覺. 其實未試前只係想試好簡單o既款, 但正如老闆娘講, 睇同著吾同, 要試出黎先知, 原來試左出黎有少少閃石真係幾ok的(當然不能太多閃啦) 雖然老闆娘同mami話鋼紗款"出d", 華麗d, 但我都係prefer A-Line款多d. 因為7月會有新貨, 以我2月婚期老闆娘提議我8月先真係黎試就最好, 至於晚裝佢就話吾洗急住試因為佢成日有新返, 反而褂就趁早d試. 好, 見黎左就試埋褂.

d褂吾係好多款, 老闆娘俾左大五福我試...吾...我吾係好好中意, 再試褂王...吾...吾...吾...太多金銀線, 成熟左d吾襯我. 之後我見到有珠片褂, 一試上身, 嘩~~~係佢喇 好fit身之餘, 手袖各有囍字加埋心口的龍鳳, perfect

真係好開心呀!!! 呢次係我第一次去婚紗鋪, 冇諗過咁快就搵到心水, 吾洗周圍搵喇, hahaha.

依~好似未講package幾錢, 6套都係$3788炸, 重要包褂, 婚紗, 晚裝, mami衫, 飾物, 頭紗, 問你死未

好似講得太好, 好宣傳口吻tim, 補充一句...每個人喜好吾同, 住開呢頭o既去下睇下當做research囉, 無妨嫁 (我就好滿意喇)

**P.S. 最衰冇帶相機, 下次fitting一定要影相