2nd trial: Charming + Hsiao

上回講到一時衝動下o係大埔1st trial 就join左package, 雖然價錢吾貴($2388/4套+$600拖尾), 但除左套褂冇一件好合心意.

尋日同文生衝出大埔去尖沙咀"運吉". 第一站係好姐妹介紹o既Charming Image, 第二站係由blogger Suet度認識o既Hsiao.

Charming Image
我相信吾洗我多講好多b2b都拜訪過, 款式真係好多, 價錢算幾吸引. 我試左2WG1EG, EG我試左件桃紅色ball gown>> http://hk.myblog.yahoo.com/jw!m21BomGWFRUZ3W3evKOHDp668Ls-/article?mid=803 上身好靚,d玫瑰好立體, 好鍾意. 而WG好多都係大拖尾, 可能佢地o既WG幾著重釘工所以都幾重. 上身都ok的, 不過...個人比較介意d WG吾夠白, 舊舊地(可能係之前o係大埔度試過有比較卦) 所以呢間俾我o既感覺一般啦.

Hsiao
就正如book時間時Toby"提醒"我佢地多A-line款, 款式吾會大閃. 縱然心裡有準備但打開相簿真係有dd驚訝真係好plain, 但係 ...當Toby將一件件美麗o既WG EG放o係我地面前去介紹時, 我同文生都知道我地搵啱了, 因為每件都好有特式, cutting好特別. 上身後更加令我倆醉了(用詞有點誇張但確實有種吾想除o既感覺). 不過靚野當然有代價, $4688/3套 (拖尾+$500) 又令我同Hsiao產生一種隔膜...

只怪當日自己耳仔軟join左大埔, 不過...我會嘗試傾傾個package改為男禮/mami衫. 最重要還是帶媽咪去一去Hsiao睇下佢接吾接受到我做個 "Plain lady"

題外話:
- 試左3次身之後覺得serve我地試衫o既女仔幾辛苦, 有時攞幾次衫俾客試, 有時攞十幾廿次都未有一件客人喜歡, 但又要nice對住個客, 或者有時候我地都要明白佢地黑面背後o既辛苦.

- 吾"出城"都吾知道size有分地區/鋪頭客路的, o係大埔我係"有房出租"的(講出黎都俾人笑, 吾知醜hahaha), 去到Charming我都有鬆動, 但o係Hsiao試WG我真係吾敢呼吸太大驚拉鍊拉吾上. 睇黎如果真係揀Hsiao既話第一件事要做就係認認真真減肥了

- 試完Hsiao後心情好忐忑, 雖然好喜歡但"慳妹"o既我又好肉赤(都怪自己之前衝動), 但係文生反而同我講"一生人一次嘛要揀間好d", 我覺得好搞笑乜吾係通常呢句係女仔講嫁咩, 佢重安慰我至多其他方面再慳d, 真係要多謝佢