印帖

由於我地o既婚期正正係新年後一個月, 聽人講通常吾會新年期間派帖(可能係怕大家各有各忙掛?), 所以上次兩家人食飯後定左12月24日(平安夜) 過大禮.

過大禮日子定了, 就去到印帖這一part, 其實之前我同pp都去過金都, 婚展睇過, 不過金都款最平都要$4,5蚊, 而款式可能同酒樓送o既冇分別. 而我地2個都覺得張帖都係俾賓客睇一睇, 其實除左朋友, 其他人飲宴過後都吾會keep, 所以我地最後都決定用返酒樓送的帖.

上星期六我地攞左d帖去昌記印, 昌記係我成年前上網睇返黎, 估吾到一年後價錢都冇咩加價. $0.70/張, 稿費$250. 我同pp都覺得好抵. 而且我地一show張帖出黎佢已經有之前做過o既reference俾我地睇, 可想而知好多人都搵過佢印.

地址:
1店：青山道217C地舖 (宇宙商場斜對面 - 長沙灣站東京街出口)
2店：元州街340號豐祥大廈21地舖 (元州村對面)
電話：2728 9189
傳真：2725 2312

俾少少tips大家:

- 好多B2B都見議去1店 (我o個日都係, 但點解我就吾知喇)  
- 通常五日後會去睇稿作實, 大約兩星期後取貨.
- 預多5 張帖比佢試機
- 準備註冊地址及時間, 擺酒地址, 雙方父母姓名, 仲有佢會問你雙方祖父母仲是否健在.
- 約一圍預10張帖

西裝

用了1個月的時間, 男士們(男友+他爸爸, 我爸爸+2個細佬) 的西裝都做好了, 難得5位gentelman都好滿意, 見住佢地一個個著起西裝我腦內不其然想到大日子當日大家都一定令實客眼前一亮 (平日大家t-shirt, 牛仔褲真係估吾到著起西裝都幾有型)

< 男友 >

 

< 我爸爸 >





< 男友的爸爸 >

< 我大細佬 >


**P.S. 大家的西裝都係o係大埔做(就係我第1次join了package, 後來轉了褂,晚裝的那間), 價錢真係好相宜(e.g. 男友, 恤衫, 西裝, 西褲再送埋bow呔都係$12xx), 係吾係好抵呢? 

花車佈置 - 車門蝴蝶

絲花 - 好友菲比的物資
金粉紗布 - 深水埗"德祥"
絲帶 - 公司資源

至於車頭公仔方面, 我重諗緊點fix o係車頭, 由於對Smiley size好大, 我成日驚會跌, 暫時只係諗到將公仔先縫上蝴蝶再用索帶索上"鬼面罩" , 吾知錦work吾work呢? 

裙褂鞋

又淘了又淘了, 今次淘了人仔55的裙褂鞋, 隻中國紅好靚好sharp呀, 對龍鳳都繡得吾錯, 不過味道有點大而且膠水跡有點多. Overall都好滿意

 

http://item.taobao.com/item.htm?id=2911876634

PP, Happy last single B-day!

上年PP讓我過了一個很難忘的生日, 詳情可以搵返之前的post. 之後我已經好想計劃一個suprise俾返我男友, 但係好似吾係咩特別一年, 所以留待今年實現.

原先我的計劃是開麥記生日會, 有想過去bar搞, 但同PP好友商量後麥記好像太"小朋友", 而bar的min. charge又太高昂, 最後選擇了樓上cafe. 其實坊間有不少可以包場的CAFE, 但不是人數要求太多就是min. charge太嚇人(有些什至要3-4千多, 還要只有2-1/2hr, 真的很攞命), 最終找了一間在TST的CAFE, 下午包場的費用是我budget以內, 人數15個便可包場又有3hr時間, 見網上風評也不錯便急急hold場了.

場地找到了, 可是邀請朋友卻是很難預算的一環. 由於他的朋友我都不太多見到面, 幸好當中有幾個朋友是我認識的, 便搭上搭聯絡其他人. 經過一個月的facebook, msn, sms (註: 我仍然是2G人), 終於有12個朋友confirm出席, 加埋我 & PP, 緊緊可以包到場了.

昨日完祟拜後懷住緊張的心情帶他上CAFE, 當他開門那一刻, 見到他望著枱上的蛋糕及一大班朋友為他唱生日歌 又興奮又懷疑的眼神, 我知道這個suprise 成功了!!! 這個傻瓜還不停問 "點解你地o係度" "真係冇預計到" "好開心呀".  

不知為什麼那3個鐘好像很短的, 吃吃喝喝, 玩下X-BOX, Card game 就夠鐘了, 見到這個傻瓜全程不停傻笑那刻我有種不想完結的感覺, 我很想為他再延續這個快樂, 不想見到他煩惱的樣子(最近他為工作, 新屋搞到太疲累了).   

他跟我說 多謝我送了一份廿多年來最好的生日禮物, 能夠同咁多好友一齊慶祝是他的心願, 很難忘. 其實不是他先給我驚喜, 我不會有這樣的"禮物", 我真正要感謝的是他, 是神.

P.S.
- 弦路去CAFE 他突然說他很喜歡錫紙上的party food, 我心想: 你點解會突然錦講o既? 咁橋?! 你一陣真係食到喎, 傻佬~
- 他被suprise的一刻, 我知他一定很想流眼淚, 好在他忍著
- 間Cafe叫XD CAFE (TST), 我第一次搞包場所以都打左好幾次電話問野, 不過D員工都好好人, 食物好味, 地方都夠大, 又有好多card game, X-BOX, 重有露台, 值得推介, 讚~讚~讚~

婚鞋 加工

自問自己係一個"男人婆", 如果大日子要全日著住對高踭我一定會叫苦連天, 但係著婚紗又點可以著平底呢?
幸好有"高con"的出現救了我, 淘了人仔50的高幫鞋, 縫上喱士 黏上石, 這樣的婚鞋太合我心意了

申請教堂紙

申請教堂紙，基本的程序如下:

1. 三個月前致電婚姻登記處預約時間 (由於不在婚姻登記處註冊，因此網上預約不適用)
2. 預先確定男女雙方及家長的中英文姓名、身份證號碼、中文電碼（身份證上）、住址、職業等 (資料不能有錯、否則將來的結婚證書也會出錯);
3. 向註冊處人員表明註冊的日期及行禮的教堂名稱;
4. 付款305元，再被通知領取教堂紙的日期;
5. 在所定的日期或者之後再到婚姻登記處領取教堂紙;
6. 申請及取證男女雙方至少要親身到達婚姻註冊處一次，因為註冊處需要兩人的親筆簽名。

當然之後要把教堂紙正本交給預備行禮註冊的教堂
教堂紙交給教堂，教堂會為你們準備結婚證書；教堂負責人會將男女雙方及家長還未簽字的結婚證書正本事先給你們過目，確定無誤之後你們需要在教堂提供的另一文件上簽字作實。基本上結婚證書的格式及內容跟教堂紙差不多，幾乎是一致的，所以說教堂紙上的資料不能有錯.

Remarks:
登記時, 要同佢講明你會係教堂結婚。你揀個間教堂當然要係佢地個list入面既其中一間啦, 上網可以check到架。咁佢就會同你登記去做一張「教堂紙」。一般黎講, 佢會將新人既結婚登記貼出黎15日, 無人反對就會出比你架啦。

「教堂紙」有效期係三個月, 而係「教堂紙」上面亦會清楚寫明婚禮必須係xx年xx月xx日舉行, 逾期無效。所以你記住一定要係婚期三個月內上網站預約左先, 再download埋份表, 係屋企填好晒先去交表。表入面既職業個一欄係一定要中英對照架。其他資料, 好似父母姓名個d, 都一定要對住個HKID黎打, 事關你結婚証書就會就照呢張form上面既資料黎出既。最最最緊要係你同你男友係form上面個簽名, 真正結婚簽書個日係要簽返個同呢張form一模一樣既名架, 你要記住呀!

交form唔一定要兩個人一齊去, 只要其中一個去交form, 另一個去攞返份「教堂紙」時補簽就可以。


http://comtools.esdlife.com/wedding_forum/viewtopic.php?p=900306#900306
http://comtools.esdlife.com/wedding_forum/viewtopic.php?t=181924
http://www.gov.hk/tc/residents/immigration/bdmreg/marriage/bookgivingmarriage.htm